|
| 一家人 一家人既定義係咩呢？係互相扶持？係相親相愛？定係～？？？？真係有好多個問號！！！ 家 兩代似不想多對話 孩兒最怕 嘮叨爸爸 吟噚媽媽
卻慶幸活得不太差 對雙親 又可放任下
人攰了 那管一切產生的變化
悠然地置身這個家 名和利 亦可以淡化 就算泰山崩開了 仍未覺可怕
每天 爸爸媽媽在家總會念掛 時時和孩兒 訴說真與假
記住記住吃虧只好去算吧 你聽到嗎
說聲 爸爸媽媽內心不要念掛 在孩兒童年時 你已天天轟炸
想到就怕 以後犯錯 請打我十下
家 會讓我安心的放下 旁人笑我 毫無出色 仍能歸家
悠然地置身這個家 名和利 亦可以淡化
就算泰山崩開了 仍未覺可怕
我最愛怕醜的爸爸 你要愛錫媽媽 知道嗎
外面都不可怕 孩兒能招架
我知 爸爸媽媽在家總會害怕 孩兒成才時 放棄這個家
怕又怕在某天這出嫁女兒 不想歸家
說聲 爸爸媽媽內心不要害怕 在孩兒回來時 即使風光身價
不會忘記 倆老在家 只等我念掛 以上既好似一般既家庭咁，爸爸媽媽會好囉唆．．子女會覺得好煩．．．但子女往往都會想念住父母。事實上香港既一般家庭都係咁既．．仲有ｄ可以好幸福．．．令我既妒忌又羡慕。本應已搬出黎住既我，已經可以睇得好開，想將以前既野忘記，並寄予我既將來可以像一般家庭咁。但當我與我的媽媽因為妹妹既事，而傷心，並講出一d唔似係人地阿媽講既說話之後，我向我媽發了火．．．這一切都係我唔想．．．我妹亦都好唔爭氣，以前有好多野都由我去頂．．．但我發現．．原來天跌下來不可以當被扲．．．我真係好累啦．．．呢ｄ一切既野都唔係我既錯．．．點解我會做左白韻琴既電台節目"盡訴心中情"?? 點解每次都要我充當和事佬?? 我唔想聽邊個欠邊個，邊個有冇邊個既感受，我只想要安靜。之前．．．我同面包講，同同事講，同朋友講，同家人講：「人點對你就點對番人。」對唔住．．我錯了。原來係唔可以咁既．．受傷既．永遠都係自己，心痛既．都只係自己。我不想因為我之前既一句說話，令媽媽記在腦海中，而咁樣對待妹妹．．我也不想見到自己人打自己人，感覺真係好差．好差。 從前，和四虎去唱ｋ，點了ar 嬌既"我的爸爸媽媽"，唱到 "在要喊 誰為我解圍 誰在呵護安慰
從前曾習慣不停叫 爸爸媽媽
一個人倦了總想到家 何時又再坐再臂內
抱我飲茶 原來大個了要很高代價
# 為何還做我的媽媽 如老友好嗎
請顧問細訴我要怎麼找到他
挨世界 好玩嗎 人情世故 凶險吧
求你告訴我不算可怕 " 會喊，好多感觸。我由唔係一個幸福既家庭長大，到依家我已經叫做讀過下大學既成年人黎講，我好想和家人既關係可以再好一點。我也不想只有細佬同自己。媽~我已經原諒你，在我細個既時候所犯既錯，請不要自責。但我仲未可以原諒我既爸爸同妹妹~點解呢??我已經嘗試了，但每次都係我要去到接納你地既時候，你地又會再整一d杰野俾我嘆呢???我並不是你地想像既堅強，我也有煩惱，也有唔開心既時候，媽, 爸, 妹, 細佬...你地會幫我分擔嗎????答案係: 冇..因為我都唔知...但係..我咩都唔想去諗，我只想妹妹既將來會好...bb 會健康，媽會體諒妹妹既一切，唔好只有怪責。Fan tsui，你可唔可以幫我祈禱ar...雖然我並唔係咩野基督徒，但希望事件真的可以解決，希望真的會有幸福既來臨。
| | |
| 真係好準既占卜整體命格一生富貴好命，不愁吃穿，男的在工作上受重用，女孩可嫁入富貴人家。 個性分析內在想法(女) *頭腦反應快，模仿學習力強
*個性主動積極，但也急性子
*在不如自己意時會搞小團體，或者做一些挑撥的事
*性格比較激烈急躁，是個耐心不足的女孩子
*對自己要求比較嚴格，在團隊中也不甘願認輸，比較好強 外在行動(女) *喜歡以和為貴，不喜歡衝突場面
*對於他人的意見都會聽，學習新的事物也很認真
*態度溫和、好溝通
*生性樂觀比較沒有危機意識，習慣把煩惱留給明天
*由於個性很好，老中青三代都會很喜歡 感情運(女)*遇到喜歡的對象只會遠遠欣賞，所以常常錯失好的姻緣 *對於感情外冷內熱，遇到熱烈追求的男生會裝冷而嚇跑對方 *很需要被呵護、寵愛，喜歡被放在手上疼的感覺 *適合早婚，本身容易因為年紀的增長而看淡感情終而不婚 *對於感情不會太執著，保持著隨緣的態度 | | |
| 我和面包３日之廣州遊 星期六，一早就去南昌，去到香港站，竟然見到 Eunice，真係好岩ar....哈哈哈...大概11.30 am, 我就向住廣州出發啦!!!! 如我所料，我２點幾我就已經去到廣州啦！！一去到，當然我塊好面包就係車站等我啦(呵呵)!!!之後我地就去左賓館放低d野就出去搵野食啦．．因為真係好肚餓，我成朝只係食左金門既雞尾包咋 係我地出去搵野食之際，面包同我講佢師弟小東既女朋友係南寧黎左廣州，於是我地就等埋小東佢地先去食野啦！！一等就等到差唔多５點幾，我地去左係東站附近既”友人館”食日本野！咁面包同小東佢地都可以食牛肉，佢地就叫左一人一個任食牛肉火鍋，唉．．最衰我唔食牛肉啦，我見佢地食得好開心ar, 個d仲要係肥牛ar...我只係食個友人便當咋.. 我地一食就食左2個鐘，面包真係食得之人，佢可以狂叫肥牛，小東同佢女朋友子玲都食唔到啦．．佢仲食到個ｄ waitress 都驚ar..哈哈...食完之後我地又去左 IKEA 食1蚊1杯既雪糕，但我地明明只有４個人，面包竟然買左５杯ar..呀~好驚ar, 一個人食2杯  !!!! 我地一路食就一路行返去賓館休息，因為我要趕住返去睇下夏雨拎唔拎到視帝  一睇就知有ｄ獎係分豬肉啦．．都唔明點解要做咁多個獎出黎～唉．．到左最受歡迎既女配角，面包竟然覺得係鴨咀徐子珊，而我同小東都係覺得係楊怡囉～哈哈．．一開估．．係楊怡ar...哈哈哈...跟住就到視后個獎啦~ 汪明荃真係唔該你行開啦~ 成日都要獎..仲要係到黑面...dodo姐真係講得好好.."依家d人當你冇到ar!!!" 哈哈..笑死我!!!呢個都估到係米雪架啦..而我最想睇既都係視帝~..荷媽都真係幾串ar..佢串tvb ar..哈哈...good..我欣賞...睇完後, 小東講出去行下..但個陣時已經係10點幾啦..同埋東站都冇咩野行...點知..面包又黎啦..佢講要食消夜ar..我地真係 ｏ哂咀ar~我地去左食粥, 叫左一碟炒河粉同埋一個蟹粥..個蟹粥真係好正架...~食完當然返去訓啦... 星期日，我同面包１１點幾先起身，因為今日我要面包同我去書城同埋去打機．．點知．．一打開個電視機，就做再見豔陽天．．本身係電視精既我，又點會錯過呢．．面包陪我睇到１點幾我地先出去．．首先我地去左食越南野．．再向書城出發．．出到ｍｔｒ，我地係個商場行左一陣．．仲買左本"大便書"哈哈...之後又去左`夾公仔..我又有一個龍貓公仔啦..面包係一個夾公仔高手..之後再去書城..今次又買左4本書..都叫有收獲, 一心想去就係買高木直子既書同手工書..可怕高木直子個本新既書仲未有...失望, 不過俾我買左本張小盒既第2冊..都叫做有收獲...一行就行到差唔多6點幾..咁子玲又想同我地打機...之後我地去左崗頂玩，又再夾公仔啦．．今次係我自己操刀，只係用左４個幣咋．．就有２隻公仔．．哈哈．．不枉我跟左面包咁耐ａｒ．．哈哈．．小東佢地都有好大既收獲．．我地跟住就去左食意大利野食．．跟住就返賓館啦．．今日都好攰ａｒ．． 星期一，面包講要同我去長隆玩．．（佢同我講左好耐架啦．．終於可以兌現到啦）本應我今日係要返ｈｋ跳舞＋進行我既人仔訓練計劃．．但面包叫到．．當然要去啦（其實自己想去）！！！一去到．．面包就已經癲左啦．．要去玩垂直過山車．．由於今日係星期一，所以冇咩人去玩．．唔使點排隊，一上到去，我地係第一排ａｒ．．初時我都唔驚（自認對呢ｄ係喜愛同好like 玩)..點知, 一開波, 我已經嚇到鼻哥隆都冇肉..仲要係垂直個頭釣住係半空中..x 2 呀唔該~返到去..面包d hair 已經變左型, 我已經係眼淚水都標埋出黎..當然係笑住啦..一落地已經有d頭暈..好明顯係不在狀態~(注:平時我係ocean park 玩10幾廿次都冇事架) 仲要俾面包笑左一日... ..跟住我地去左玩個d勁高難度既野囉~(面包明知我有d頭暈, 仲要捉我去.. ), 一去咋..係十環過山車~ 呢個玩完已經有d想暈想暈啦~跟住仲有好多好多..~ e.g. motor 過山車, 睇show ar, 等等..不過我竟然成功戰勝左3次垂直過山車ar..哈哈哈..面包都講我勁ar...咁就玩完一日啦..哈哈...今日都好充實..咁面包同我食完野之後, 就送左我去坐車...呢3日玩得真係好開心ar...期待面包12月黎hk 同我去倒數~~~~ 哇..好夜啦..聽日要返工..係咁先~ | | |
| 呢個世界真係一樣米養百樣人，今日遇見一個橫蠻無理既女子...只係想你check 一樣野姐...唔使咁既...我俾面你, 你唔要, 大家都係好來好去，有禮貌同你講，你唔like, 仲要大聲, 咁既然你唔要面, 我就大聲同你講啦...仲有ar..大聲唔代表我冇禮貌, 請你檢討一下自己啦....唔該....唔好以為自己係大家姐先得架...人係唔會完全岩囉, 聖人都有錯啦!!依家又唔係怪你, 你咁大聲做咩姐...係未食左忽得ar...使唔使幫你開埋擴音器 ar, book 埋大球場俾你大叫好唔好ar....正人係 意大利粉腸ar~~~~ 唔知我呢一生又會唔會遇到100個唔同既人呢, 我既意思係唔同既性格..依家開始計算..今日已經有一個....最後要講句... "做左5年唔係大哂架!!!!!!" | | |
| 近期作品~ mario~~~~~ 史廸仔  
************************************************************************************* 近排好忙ar..要應酬LCSD個audit 佬....再加上佢audit 個盤都唔係我做既...所以有d困難...不過個岑健勳真係好難頂~個身已經有一陣爺爺味..仲要問長問短..不過佢一問, 起碼我都知有d咩要改善...都有得著既... | | |
|
